Տնից լավ տեղը
«Ռուսական կապիտալը Հայաստանում իրեն հարմարավետ է զգում»,- ՌԴ նախագահ Վլադիմիր Պուտինի հետ հանդիպման ժամանակ ժամանակ ասել է Հայաստանի նախագահ Սերժ Սարգսյանը:
Վլադիմիր Պուտինը իր երախտագիտությունն է հայտնել Սերժ Սարգսյանին` երկրում ռուսական ներդրումների համար բարենպաստ մթնոլորտ ստեղծելու համար: «Ես ցանկանում եմ շնորհակալություն հայտնել Ձեզ, որ Հայաստանի կառավարությունը ավանդաբար աջակցում է մեր ներդրումներին և, այլ ներդրումների համեմատ, ոչ միայն ավելի վատ դրության մեջ չի դնում, այլ ցուցաբերում է մշտական վարչական ուղեկցություն եւ աջակցություն»,-ասել է Պուտինը:
Այն, որ ռուսական կապիտալը իրեն Հայաստանում ոչ թե հարմարավետ, այլ գերհարմարավետ է զգում, երևում է նաև վիճակագրությունից։ Տնտեսության ռազմավարական և եկամտաբեր բոլոր ոլորտներում ռուսական կապիտալն ունի դոմինանտ ներկայություն։ Այլ հարց է՝ իսկ Հայաստանն իրեն հարմարավե՞տ է զգում ռուսական կապիտալի հարմարավետ զգալուց։ Սակայն այս հարցը, թերևս նրբանկատությունից ելնելով, երբեք քննարկման առարկա չի դառնում բարձր մակարդակի հանդիպումներում։