Թուրքիայի ԱԳՆ-ը «անընդունելի» է որակել իրանական կողմի հայտարարությունները
Թուրքական Hürriyet թերթի փոխանցմամբ՝ այսօր թուրք պաշտոնատար անձանց հետ Իրանի արտգործնախարար Ալի Աքբար Սալեհիի հանդիպումից առաջ Թուրքիայի ԱԳՆ-ը հայտարարություն է տարածել, որում «անընդունելի և անպատասխանատու» է որակել իրանցի պաշտոնատար անձանց վերջին հայտարարությունները: Թուրքիայի ԱԳՆ-ը հայտարարել է, որ խստորեն դատապարտում է իրանական սպառնալիքները:
Որպես Թուրքիայի ԱԳՆ-ի այս հայտարարության պատճառ է նշվում Իրանի զինված ուժերի գլխավոր շտաբի պետ, գեներալ Հասան Ֆիրուզաբադիի հայտարարությունը, թե Սիրիայից հետո գալու է Թուրքիայի հերթը:
