Արսեն Ջուլֆալակյանը` օլիմպիական փոխչեմպիոն

Օլիմպիադայի հունահռոմեական ըմբշամարտի 74 կգ քաշային կարգի եզրափակիչում Արսեն Ջուլֆալակյանը  գոտեմարտեց ռուսաստանցի աշխարհի չեմպիոն Ռոման Վլասովի հետ։

Առաջին մրցափուլում Ռոման Վլասովը կատարեց մեկ միավորի գլորում։

Երկրորդ մրցափուլում Վլասովը համառ պաշտպանական գոտեմարտ անցկացրեց։ Արսենի գրոհներին հակադրվում էր լավ պաշտպանություն։ Վլասովը եւս մեկ միավոր վաստակեց եւ հռչակվեց օլիմպիական չեմպիոն։

Այսպիսով Արսեն Ջուլֆալակյանը Լոնդոնի 30-րդ Օլիմպիական խաղերի փոխչեմպիոն է՝ արծաթե մեդալակիր:

Հիշեցնենք որ Արսեն Ջուլֆալակյանը եզրափակիչ մենամարտի իրավունք նվաճեց՝ գեղեցիկ ու համոզիչ հաղթելով ադրբեջանցուն: