ՄԱԿ-ը պարենային օգնություն է հատկացրել ջրհեղեղից տուժած Հյուսիսային Կորեային
Հյուսիսային Կորեայում ջրհեղեղների պատճառով 169 մարդ զոհվել է, 400 մարդ անհետ կորած է։ Կորեական պետական կենտրոնական լրատվական գործակալությունը հաղորդում է, որ ջրհեղեղների եւ տեղատարափ անձրեւների պատճառով ավելի քան 200 հազար մարդ մնացել է անտուն։
Պաշտոնական Փհենյանը աջակցության խնդրանքով դիմել է ՄԱԿ-ին։
Եվ ժամեր առաջ լրատվական գործակալությունները, մասնավորապես՝ BBC World-ի ռուսական ծառայությունը տեղեկացրել են, որ ՄԱԿ-ը հավանություն է տվել Համաշխարհային պարենային ծրագրի միջոցով Հյուսիսային Կորեային պարենային օգնություն հատկացնելուն:
