Google-ը թողարկել է Chrome 21 բրաուզերը
Google ընկերությունը թողարկել է Chrome 21 բրաուզերի կայուն տարբերակը: Այս մասին հայնտում է ընկերության պաշտոնական բլոգը: Նոր բրաուզերում վեբ հավելվածները օգտատիրոջ ցանկությամբ կարող են կցվել բարձրախոսին և վեբ տեսախցիկին: Այդ ամենի համար Flash և Silverlight ծրագրային մոդուլներ այլևս անհրաժեշտ չեն լինի:
Chrome 21-ում հայտնվել է էկրանների բարձ խտությամբ աշխատանքի ապահովման տեխնոլոգիա, որը հարմարավետություն է ապահովվում հատկապես Retina դիսփլեյով նոր Macbook-երի օգտագործողների համար: Նախկինում բարձր խտությամբ (2880 ×1800) էկրանների աշխատանքն ապահովում էր միայն Apple-ի սեփական բրաուզերը՝ Safari-ն:
Նշենք, որ Chrome բրաուզերի նախորդ տարբերակը թողարկվել է հունիսի 26-ին: StatCounter ծառայության տվյալներով՝ Chrome-ին բաժին է ընկնում բրաուզերների շուկայի 33,8 տոկոսը: Chrome-ը զբաղեցնում է առաջին տեղը՝ որպես ամենահայտնի բրաուզեր:
