Հունիսի 17-ին մենք՝ «Արդյոք Փաշինյանը ԱԱԾ պահպանության առարկա տեսանյութի «սլիվը» կդիտարկի՞ Սահմանապահ զորքերի հրամանատարության «տիրույթում»» վերտառությամբ հոդված ենք հրապարակել, որտեղ անդրադարձել ենք ՀՀ երկրորդ նախագահ Ռոբերտ Քոչարյանի ելքն արգելելու մասին «Զվարթնոց»-ում տեղադրված սահմանային անցակետի հսկողության տեսախցիկներից մեկի կադրերի՝ Նիկոլ Փաշինյանի ընտանեկան լրատվամիջոցում հայտնվելուն, դրա՝ օրենքի սահմանում լինել-չլինելուն:
Օրեր առաջ «Զվարթնոց» օդանավակայանում թույլ չէին տվել ՀՀ երկրորդ նախագահ Ռոբերտ Քոչարյանին լքել ՀՀ տարածքը, ինչի իրավունքը չկար, քանի որ, ինչպես factor.am-ն է գրել, նա այդ պահին որևէ քրեական վարույթով մեղադրյալ չէր, որի շրջանակներում նրան չթույլատրվեր դուրս գալ ՀՀ տարածքից, ինչը հաստատել էին դատարանից և քննչական մարմիններից:
