«Հայաստանը ես եմ» նախաձեռնության ղեկավար Նաիրի Սարգսյանը վստահեցնում է՝ Հայաստանի Կառավարությունը, փորձելով ներդնել համընդհանուր հայտարարագրման համակարգը, ցանկանում է լուծել ընդամենը երկու խնդիր՝ բյուջետային մուտքերի սղության առաջ կանգնած պետբուջե լրացուցիչ գումարներ գանձել և երկրորդ՝ օգտագործել այս համակարգը՝ որպես քաղաքական մահակ՝ առավելապես ընդդիմադիր հայացքներ ունեցող ՀՀ քաղաքացիների դեմ։
Համընդհանուր հայտարարագրման թեմայով հրավիրված քննարկմանը «Հայաստանը ես եմ» նախաձեռնության ղեկավար, տնտեսագետ, իրավաբան Նաիրի Սարգսյանն անդրադարձել է բանկային գաղտնիքի հետ կապված ռիսկերին, և, մասնավորապես, մտահոգություն հայտնել խորհրդատվական ընկերությունների կողմից նման տեղեկատվությանը հասանելիություն ստանալու վերաբերյալ:
Պահանջը կոչվում է եկամտային հարկի տարեկան հաշվարկ, այսինքն՝ ի սկզբանե նպատակադրումը ոչ թե եկամուտների հաշվառումն է և անձանց վերաբերյալ տեղեկատվության ստացումը, այլ հարկերի հաշվարկը:
