Հունիսի 9-ին հայտնի դարձավ, որ Բարձրագույն դատական խորհրդի (ԲԴԽ) նախագահ Կարեն Անդրեասյանը ԲԴԽ է հրավիրել Վերաքննիչ քրեական դատարանի 18 դատավորների, նրանց ասել, որ չի կարողանում աշխատել դատարանի նախագահ Մխիթար Պապոյանի հետ, դատավորներին բաժանել է քվեաթերթիկներ ու առաջարկել ընտրել դատարանի ստվերային նախագահ:
Վերաքննիչ քրեական դատարանում կոռուպցիոն հանցագործությունների գործերով բողոքարկման ենթակա դատական ակտերի վերանայումն իրականացնող առանձին դատավոր, Բարձրագույն դատական խորհրդի (ԲԴԽ) անդամ Մեսրոպ Մակյանն այլևս ԲԴԽ անդամ չէ: Այսօր նա աշխատանքից ազատվելու դիմում է ներկայացրել:
Բարձրագույն դատական խորհուրդն (ԲԴԽ) արդեն իսկ նոր նախագահ ունի՝ արդարադատության նախկին նախարար Կարեն Անդրեասյանը, ով Ազգային ժողովում նախ միայն կառավարող «Քաղաքացիական պայմանագիր» (ՔՊ) կուսակցության կողմից ընտրվեց որպես «իրավաբան-գիտնական» անդամ, ապա հաջորդ օրն իսկ արագացված տեմպերով՝ նաև ԲԴԽ նախագահ:
