Փոխնախարարի խոսքով՝ բանակցությունները կսկսվեն տեսանելի ապագայում, երբ մասնագիտական և տեխնիկական առումով երկու կողմից թիմերը պատրաստ կլինեն: Գարեգին Մելքոնյանի վստահեցմամբ՝ ավիացիոն գոտու մասին համաձայնագրի բանակցությունները կտևեն կարճ, քանի որ այն մոդելային համաձայնագիր է, և փոփոխությունների ենթակա մա սերը շատ ավելի քիչ են:
Հայաստանում 2016 թվականի հունվար-հոկտեմբերին արտադրվել են 28 մլրդ 379.6 մլն դրամի ոսկերչական արտադրատեսակներ: ՀՀ ազգային վիճակագրական ծառայության հրապարակած տվյալների համաձայն, նախորդ տարվա նույն ժամանակահատվածի նկատամամբ այն աճել է 2.1 անգամ:
Այսօր Ազգային ժողովում կառավարության հետ հարցուպատասխանի ժամանակ ՀՀԿ խմբակցության պատգամավոր Շիրակ Թորոսյանը բարձրացրեց Հայաստանը ռուսական գազով սնուցող Վրաստանի տարածքով անցնող գազամուղի 25 տոկոս բաժնեմասի մասնավորեցման հնարավորության հարցը։
«Ես դրանում որևէ անտրամաբանական բան չեմ տեսնում, որ դու կարող ես քո ակտիվներով վճարել որևէ բանի դիմաց, հատկապես երբ դու նվազեցնում ես արտաքին պարտքը»,- նշեց վարչապետը:
«Այս կառավարությունը փորձում է տարբերվել մյուսներից, բայց ձեռագրով ոչնչով չտարբերվեց՝ նորից արհամարհելով նաիրիտցիներին։ Ես հասկանում եմ, որ նաիրիտցիները զայրացնում են կառավարությանն ամեն հինգշաբթի, բայց դա չի նշանակում, որ դուք պետք է լարվեք պատասխանը տալիս։ Ի՞նչ են ակնկալելու նաիրիտցիները, «Նաիրիտի» հետ կապված ի՞նչ նպատակներ ու ծրագրեր ունեք»։
Պատգամավորը հիշեցրեց, որ 2014թ. ԱԺ 4 խմբակցություն մշակել էին 12 կետ, որտեղ առաջարկել էին լուծումներ նաև վերոնշյալ խնդրի համար, և հետաքրքրվեց՝ նոր կառավարությո՞ւնը միգուցե օգտագործի այն առաջարկները կամ պահանջները, որ իրենք ներկայացրել են. «Ես խնդրում եմ՝ դուք ուսումնասիրեք և տաք հստակ պատասխան. Կառավարությունը պատրա՞ստ է այդ պահանջները բավարարել, թե՞ ոչ»:
Սոսյուն Եվրոպական հանձնաժողովի տեխնիկական օժանդակության գործիք է, որը նպատակ ունի աջակցել գործընկեր երկրներին
Վարկը տրամադրելու նպատակն է «էներգետիկ ոլորտում ֆինանսական առողջացումը եւ հանրային ֆինանսական կառավարման ու ներդրումային միջավայրի բարելավումը»: Սա հենց այն վարկերից է, որոնք բերվում են պետական բյուջե, ախորժակով ծախսվում, ավելացնում են մեր երկրի արտաքին պարտքը, սակայն ոչ ոք չի կարողանում ասել, թե կոնկրետ ինչ արդյունք տվեցին դրանք:
2016 թվականի հունվար-հոկտեմբերին, ֆիզիկական անձինք բանկային համակարգի միջոցով Հայաստանից արտերկիր են փոխանցել 641.1 մլն դոլար։ Ի տարբերություն ներհոսքի` դրամական միջոցների արտահոսքն աճել է 43.1 մլն դոլարով կամ 7.2%-ով։
2016 թվականի հունվար-հոկտեմբերին Հայաստան է ներմուծվել 2 մլրդ 613 մլն 322.3 հազար ԱՄՆ դոլարի ապրանքատեսակ: Նախորդ տարվա նույն ժամանակահատավածի նկատմամբ ծավալը նվազել է 0,3 տոկոսով, սակայն ներմուծման ընդհանուր ծավալում մեծ մասնաբաժին ունեցող ապրանքատեսակների ներկրումը հիմնականում աճել է:
Հայաստանի արտահանման կառուցվածքում գերակշռում է 4 խումբ ապրանքատեսակ՝ հանքահումքային արտադրանք, պարտրաստի սննդի արտադրանք, թանկարժեք քարեր ու մետաղներ, ոչ թանկարժեք մետաղներ: Ընդհանուր առմամբ, այս 4 ապրանքային խմբերին բաժին է ընկնում Հայաստանի արտահանման ծավալի ավելի քան 80 տոկոսը:
Վարչապետ Կարեն Կարապետյանն այսօր ընդունել է Հայաստանում Ասիական զարգացման բանկի (ԱԶԲ) պատվիրակությանը՝ ՀՀ-ում ԱԶԲ գրասենյակի տնօրեն Շեյն Ռոզենթալի գլխավորությամբ:
2016 թվականի հունվար-հոկտեմբերին Հայաստանում ավտոմեքենաների առևտրի ծավալը կազմել է 71 մլրդ 485,5 մլն դրամ: ՀՀ ազգային վիճակագրական ծառայության հրապարակած տվյալների համաձայն՝ նախորդ տարվա նույն ժամանակահատվածի նկատմամբ այն աճել է 20 տոկոսով:
ԿԶԵՀ-ի կողմից միջոցների տրամադրման նպատակն էներգետիկ ոլորտում ֆինանսական առողջացումը և հանրային ֆինանսական կառավարման ու ներդրումային միջավայրի բարելավումը:
«Պարոն Արամյան, մենք չենք ուզում, որ դուք փոխեք պարտքային քաղաքականությունը, որովհետև խնդիրը բացարձակապես պարտքային քաղաքականության մեջ չէ, խնդիրը զարգացման քաղաքականության մեջ է, իսկ ավելի ճիշտ՝ դրա բացակայության»,- այսօր Ազգային ժողովում 2017 թվականի պետական բյուջեի քննարկման ժամանակ հայտարարեց ՀԱԿ խմբակցության ղեկավար Լևոն Զուրաբյանը։
«Ինչ-որ բան եք բացատրում 90-ականների կեսերից։ Դուք մեզնից 10-15 տարի երիտասարդ եք, ժամանակին մենք էինք դա ձեզ սովորեցնում…»:
«Մենք երկու տարի շարունակ զերծ ենք մնացել խոշոր վարկեր տրամադրելուց, մաքրել և առողջացրել ենք մեր պորտֆելը: Սա եզակի երևույթ է բանկային համակարգում, մենք գնացինք այդ քայլին, քանի որ առաջնորդվում ենք պատասխանատու բիզնեսի սկզբունքներով: Մյուս կողմից, վերջին ամիսներին կառավարության ներկայացուցիչների և միջազգային կառույցների հետ տեղի ունեցած հանդիպումների ընթացքում ներկայացված փոփոխությունների նախագծերը իսկապես տպավորիչ են»:
«Մենք ուրիշ երկրներից ուղերձներ ենք ստանում, թե իրենք ինչին են զարկ տալիս, մենք ի՞նչ ուղերձ ենք ուղարկում»,- այսօր Ազգային ժողովում 2017 թվականին պետական բյուջեի նախագծի քննարկման ժամանակ՝ դիմելով հիմնական զեկուցող, Ֆինանսների նախարար Վարդան Արամյանին՝ հարցրեց պատգամավոր Թևան Պողոսյանը։
«Նրանք շատ ծանրաբեռնված են և եթե մի 10 հոգու, 20 հոգու, 30 հոգու, բոլոր նախարարություններում է, կարծեմ, ընդունված, ձեզ մոտ էլ, դեկտեմբեր ամսին 13-րդ աշխատավարձ տալ, սա սովորական երևույթ է, կարծում եմ»:
«Ես ներկայացրել եմ 101 առաջարկ, կարծես, 8-ն եք ընդունել»,- այսօր Ազգային ժողովում 2017 թվականի պետական բյուջեի նախագծի քննարկման ժամանակ դիմելով նախագծի հիմնական զեկուցող, Ֆինանսների նախարար Վարդան Արամյանին՝ ասաց «Բարգավաճ Հայաստան» խմբակցության պատգամավոր Միքայել Մելքումյանը։
Հնդկաստանը հանդես է գալիս Եվրասիական տնտեսական միության (ԵԱՏՄ) հետ շուտափույթ ինտեգրացման օգտին: Այս մասին հայտարարել է ՌԴ-ում Հնդկաստանի դեսպանի տեղակալ Գանգադհարան Բալասուբրամանիանը:
Ի պատասխան՝ նախարարն ասաց՝ որքան իրենց ժամանակը հերիքել է, իրենք փորձել են պատգամավոր գործընկերների հետ կապ հաստատել։ Նա նշեց, որ պաշտպանական ոլորտի ծախսերի ավելացման վերաբերյալ Է. Մարուքյանի արած առաջարկները շատ կարևոր են, սակայն դրանց համար պետք է ֆինանսական աղբյուրներ գտնել։
«Ձեր ներկայացրած ծրագիրը բացարձակ ադեկվատ չէ այսօրվա իրավիճակին: Դուք ներկայացնում եք թվեր՝ էս գյուղի, էն դպրոցի, բայց բյուջեի իմաստը դա չէ. բյուջեն քաղաքական փաստաթուղթ է: Քաղաքական փաստաթուղթը պետք է քաղաքական լուծումներ առաջարկի: Դուք Հայաստանի տնտեսության հիվանդ կողմերին ընդհանրապես չեք անդրադառնում: Չեք արտասանում՝ ո՛չ կոռուպցիա, ո՛չ մենաշնորհ, ո՛չ ազատ մրցակցություն:
Այսօր Ազգային ժողովի հերթական նիստին՝ նախագծի քննարկման ժամանակ, հիմնական զեկուցող, տարածքային կառավարման և զարգացման փոխնախարար Վաչե Տերտերյանը, հակադարձելով պատգամավորների այն դիտարկումներին, թե նախագիկծի վերաբերյալ հանրային քննարկումներ չեն անցկացվել, ասաց, որ նոյեմբերի 24-ին սույն օրենքի նախագիծը քննարկվել է շուրջ 40 համայնքների ներկայացուցիչների հետ, և, ըստ նրա, քննարկվել է բավականին մանրամասն։
«Միգուցե ընդամենը դրվել է ինտերնետում, դա հանրային քննարկում չէ։ Ակնհայտ է, որ 10 հազարից ավելի բնակչություն ունեցող համայնքները հանրապետությունում շատ չեն, մոտավորապես 30-ն են, բայց այնտեղ մեր բնակչության 75 տոկոսն է ապրում, դրա համար իմ առաջարկը շատ հստակ է՝ հանել ընդհանրապես տեղական վճարները, թողել տեղական տուրքերը»։
Հայաստանում ամենաարագ աճ արձանագրողը ծառայությունների ոլորտն է: Համենայն դեպս դա է ապացուցում պաշտոնական վիճակագրությունը` ԱՎԾ-ն: Այս տարվա առաջին 10 ամիսների ընթացքում էլ այդ ոլորտը ցույց է տվել 7.7 տոկոս աճ:
Ինձ համար բիզնեսը մարզասարք է, որն օգնում է ճանաչել ինքս ինձ: Օրինակ, ես սովորում եմ ընդունել որոշումներ՝ հիմք ընդունելով ինտուիցիաս, այսինքն՝ զգացողության մակարդակում: Նմանատիպ պրակտիկային բնորոշ իրավիճակներից է՝ նոր աշխատակցի մուտքը հին թիմ: Դու գրեթե երբեք չես ունենա անհրաժեշտ ինֆորմացիան՝ այդ պահին ճիշտ ընտրություն կատարելու համար:
ՀՀ վարչապետ Կարեն Կարապետյանը պարզաբանեց Հայաստանում գազի սակագնի ձևավորման մեխանիզմը և այն, թե ինչու էականորեն սակագինը չի նվազում` սահմանին լինելով 150 դոլար:
«Մեր տնտեսություններից մթերված կաթի դիմաց «Աշտարակ կաթը» գումար չունի, որ կարողանա վճարել կուտակված պարտքը, դրա համար ճամբարակցիները որոշեցին Ճամբարակի պանրագործարանից վերցնել արտադրված 60 տոննա պանիրը՝ իրենց պարտքերի դիմաց: Բայց այստեղ էլ ուրիշ խնդիր ունենք: «Ռոքֆորն» այնպիսի տեսակի պանիր է, որը հնարավոր չէ բարձր գներով վաճառել տեղական շուկայում»:
ՀՀ վարչապետ Կարեն Կարապետյանը կարծում է, որ Հայաստանի տնտեսության առաջատարի դերը կարող է ստանձնել տեղեկատվական տեխնոլոգիաների ոլորտը: Այս մասին ՀՀ վարչապետն ասել է լրատվամիջոցների ղեկավարների հետ հանդիպման ընթացքում:
