ՌԴ ԱԳ նախարարությունը հրապարակել է Լավրովի «բուժիչ» լուսանկարը
Ռուսաստանի արտաքին գործերի նախարարությունը Facebook-ի պաշտոնական օգտահաշվում հրապարակել է գերատեսչության ղեկավար Սերգեյ Լավրովի լուսանկարը՝ դրան կցելով հեգնող գրություն, տեղեկացնում է ՌԻԱ Նովոստիին:
Լուսանկարում նախարարը կանգնած է կապույտ երկնքի ֆոնին եւ ժպտում է՝ ուսին պահելով հսկայական եռագույնը: ԱԳ նախարարության աշխատակիցների խոսքով՝ լուսանկարը «բուժիչ» էֆեկտ ունի: «Դնել մոլորակի ցավոտ տեղերին»,-ասված է հաղորդագրության մեջ: Պոստի հեղինակները հավելել են, որ լուսանկարն աշխարհագրական առանձին կետերում գործածելը կարող է «էկզորցիզմի էֆեկտ» առաջացնել:
