Իրանում տասնյակ մարդիկ են տուժել սաստիկ անձրևներից ու փոթորկից
Իրանի Թեհրանի նահանգում առնվազն 18 մարդ է տուժել սաստիկ անձրեւներից ու փոթորկից: Այդ մասին հայտնել է IRNA գործակալությունը՝ հղում անելով նահանգի վթարային-փրկարարական ծառայությանը:
Գործակալության տվյալներով՝ հորդառատ անձրեւներն ու փոթորիկը Թեհրանի նահանգը պատուհասել են հունիսի 11-ի երեկոյան: Տուժածներին տեղափոխել են հիվանդանոցներ:
Ժամում մոտավորապես 83 կիլոմետրի հասնող փոթորկալի քամին եւ սաստիկ անձրեւը ծառեր ու էլեկտրական հենասյուներ են տապալել տուժած շրջաններում, ինչպես նաեւ վնաս են հասցրել շենքերին, հաղորդել է ՌԻԱ Նովոստին:
