Պուտինը, Մերկելը, Մակրոնը և Պորոշենկոն հայտարարություն են ընդունել Զատիկի առթիվ հրադադարի մասին
Պուտինը, Մերկելը, Մակրոնը եւ Պորոշենկոն ընդունել են հայտարարություն, որում ողջունում են Զատիկի տոնի առթիվ հրադադարի համաձայնությունը: Այդ մասին հայտնել է Կրեմլի մամուլի ծայությունը:
Ռուսաստանի, Ֆրանսիայի, Գերմանիայի եւ Ուկրաինայի ղեկավարներ Վլադիմիր Պուտինը, Էմանուել Մակրոնը, Անգելա Մերկելը եւ Պյոտր Պորոշենկոն առաջիկա ամիսներին կքննարկեն, թե ինչպես արագացնեն Մինսկի համաձայնությունների կատարումը:
«Նորմանդական ձեւաչափի» երկրների ղեկավարները վերստին հավաստում են Մինսկի համաձայնությունների իրականացման իրենց հանձնառությունը դրանց բոլոր ասպեկտների (անվտանգություն, քաղաքական, հումանիտար եւ տնտեսական հարցեր) նկատմամբ: Նրանք համաձայնությունների իրականացումն արագացնելու հնարավոր ուղիները կքննարկեն առաջիկա ամիսներին»,- ասված է ղեկավարների հայտարարության մեջ, որից մեջբերում է արել Կրեմլի մամուլի ծայությունը:
