«Մանչեսթեր Յունայթեդի» պաշտպան Շոուն պատմել է՝ ինչպես է վերականգնել Մոուրինիոյին վստահությունը
«Մանչեսթեր Յունայթեդի» պաշտպան Լյուկ Շոուն պատմել է, թե ինչպես է կարողացել մրցաշրջանի ընթացքում վերականգնել թիմի գլխավոր մարզիչ Ժոզե Մոուրինիոյի վստահությունը: Ավելի վաղ պորտուգալացի մասնագետը ակնարկում էր, որ կարող է բաժանվել 22-ամյա ֆուտբոլիստի հետ, ով չէր հայտնվում մանկունյանցիների հիմնական թիմի կազմում, բայց վերջին ժամանակներս նա դուրս է գալիս դաշտ առաջին իսկ րոպեներից:
«Մարզիչը շատ բարի էր իմ նկատմամբ և ինձ լրացուցիչ վստահություն հաղորդեց: Մոուրինիոն ինձ ասաց դուրս գալ դաշտ և հաճույք ստանալ խաղից, ահա և վերջ: Մարզումներին ես ամբողջությամբ տրվում եմ, որպես օգնեմ և՛ մարզչին, և՛ ակումբին: Ցանկանում եմ շարունակել նույն ոգով, որպեսզի ավելի շատ հանդիպումների մասնակցեմ»,- Շոուի խոսքերն է մեջբերում ESPN-ը:
Պատրաստեց Անի Գաբուզյանը
