Բեշիքթաշը միացել է Մխիթարյանի համար պայքարին.Turkish-Football
Ստամբուլի «Բեշիքթաշը» հետաքրքրված է անգլիական «Մանչեսթեր Յունայթեդի» հայ կիսապաշտպան Հենրիխ Մխիթարյանի ծառայություններով: Այս մասին, armsport.am-ի տեղեկացմամբ, հաղորդում է «Turkish-Football»-ը:
Աղբյուրի համաձայն՝ թուրքական ակումբն ուշադիր հետևում է 28-ամյա ֆուտբոլիստի շուրջ ծավալվող իրադարձություններին:
«Սև արծիվները» տրանսֆերային շուկա են պատրաստվում դուրս գալ այն բանից հետո, երբ թիմը 27 միլիոն ֆունտ ստերլինգով «Էվերթոնին» էր վաճառել Չենկ Թոսունին:
Բացի այդ, թուրքական ակումբը լրացուցիչ գումար է ստացել Չեմպիոնների լիգայի հաջորդ փուլ դուրս գալու համար և պատրաստ է միանալ Մխիթարյանի համար պայքարին:
