«Նման բաները որոշում են, հո չեն բացատրելու». Նավասարդ Կճոյան. «Ժողովուրդ»
«Ժողովուրդ» օրաթերթը գրում է. «Տարեվերջին Սերժ Սարգսյանի կողմից «Հայրենիքին մատուցած ծառայությունների համար» 1-ին աստիճանի շքանշանով պարգեւատրվածների ցանկում էր նաեւ Հայ Առաքելական Եկեղեցու Արարատյան Հայրապետական թեմի առաջնորդ Նավասարդ արքեպիսկոպոս Կճոյանը:
«Ժողովուրդ» թերթի հարցին, թե հատկապես ո՞ր ծառայության դիմաց է նա ստացել մեդալը, Կճոյանն ասել է.
«Նման բաները ինձ չեն բացատրում: Նման բաները որոշում են, հո չեն բացատրելու»:
Վերջին տարիներին Հայաստանում կարծես մոդա լինի՝ Սուրբ Ծննդյան օրը` ջրօրհնեքի արարողության ժամանակ, խաչքավոր են դառնում պաշտոնյաները:
«Ժողովուրդ»-ի հարցին, թե ինչպե՞ս է եկեղեցին խաչը վստահում պաշտոնյաներին, որոնք հաճախ են ստում եւ խախտում աստվածաշնչյան պատվիրանները, պատասխանել է.
«Յուրաքանչյուր մարդուն բնորոշ է սխալներ անելը, թերացումներ ունենալը, բայց ձգտում չցուցաբերելը դա արդեն խոսում է, որ մարդն ընկած է, չի ուզում վեր կենա»:
Ամբողջությամբ կարող եք կարդալ թերթի այսօրվա համարում:
