Դոնալդ Թրամփը չեղարկել է իր այցը Մեծ Բրիտանիա
ԱՄՆ-ի նախագահ Դոնալդ Թրամփը հայտնել է, որ չեղարկում է փետրվարին պլանավորված իր այցը Մեծ Բրիտանիա: Այդ մասին նա գրել է Twitter-ի իր էջում:
«Լոնդոն իմ ուղեւորությունը չեղարկելու պատճառն այն է, որ ես չեմ պաշտպանում Լոնդոնի լավագույն դեսպանատներից մեկը գրոշների դիմաց վաճառելու Օբամայի վարչակազմի որոշումը, որպեսզի այնուհետեւ 1,2 մլրդ դոլարով նորը կառուցենք հեռավոր շրջանում: Դա վատ գործարք է: Ես չեմ պատրաստվում կտրել ժապավենը (դիվանագիտական ներկայացուցչության նոր շենքի բացման արարողության ժամանակ)»,- գրել է Թրամփը։
Daily Mail թերթի տեղեկությունների համաձայն, որը հղում է անում կառավարական աղբյուրների, պլանավորվում էր, որ Թրամփը Լոնդոն աշխատանքային այցի շրջանակներում կմասնակցի ԱՄՆ-ի դեսպանության նոր շենքի բացման արարողությանը, ինչպես նաեւ փետրվարի 26-ին եւ 27-ին բանակցություններ կվարի Մեծ Բրիտանիայի վարչապետ Թերեզա Մեյի հետ: Այժմ, ինչպես նշվում է, Լոնդոնում ամերիկյան դեսպանատունը կբացի պետքարտուղար Ռեքս Թիլերսոնը, հաղորդել է ՏԱՍՍ-ը:
Reason I canceled my trip to London is that I am not a big fan of the Obama Administration having sold perhaps the best located and finest embassy in London for “peanuts,” only to build a new one in an off location for 1.2 billion dollars. Bad deal. Wanted me to cut ribbon-NO!
— Donald J. Trump (@realDonaldTrump) January 12, 2018
