Հարավաֆրիկյան Հանրապետությունում շուրջ 200 մարդ է տուժել գնացքների բախումից
Հունվարի 9-ին երկու մարդատար գնացքներ են բախվել Ջերմիսթոն բնակավայրի մերձակայքում, որը գտնվում է Հարավաֆրիկյան Հանրապետության Յոհաննեսբուրգ խոշորագույն քաղաքից ոչ հեռու: Այդ մասին հայտնել է eNCA հեռուստաալիքը:
Ըստ նրա տեղեկությունների, վնասվածքներ է ստացել շուրջ 200 մարդ: Բժիշկները պատահարի վայրում օգնություն են ցուցաբերում տուժածներին: Times հարավաֆրիկյան թերթի տվյալների համաձայն, երկաթուղային շարժակազմերից մեկը գտնվում էր անշարժ վիճակում՝ սպասելով ճանապարհը շարունակելու թույլտվության, երբ ետեւից նրան հարվածել է մեկ այլ գնացք, հաղորդել է ՏԱՍՍ-ը:
