«Ինձ պահելու համար «Տոտենհեմը» պետք է տիտղոսներ նվաճի». Հարի Քեյն
«Տոտենհեմի» հարձակվող Հարի Քեյնը պատմել է, թե «Տոտենհեմն» ինչի հաշվին կարող է իրեն պահել:
«Ի՞նչ պետք է անի ակումբը, որպեսզի ես մնամ: Ինչպես որ ես արդեն ասել եմ. շարունակել առաջընթացը, դառնալ ավելի լավը, տիտղոսներ նվաճել: Մենք ուզում ենք սկսել տիտղոսներ հաղթելը: Դա գլխավոր նպատակն է: Քանի դեռ ակումբը կձգտի դրան, ես երջանիկ կլինեմ»,- Քեյնի խոսքերն է մեջբերում Telegraph-ը:
Հարի Քեյնը «Տոտենհեմի» հետ չի նվաճել ոչ մի տիտղոս: Ընթացիկ մրցաշրջանում անցկացրած 21 խաղերում Քեյնը դարձել է 18 գոլի և 1 փոխանցման հեղինակ:
Պատրաստեց Անի Գաբուզյանը
