«Սթափվելու և կրավորական թմբիրից դուրս գալու ժամանակն է». Ժիրայր Սէֆիլյան
Ժիրայր Սէֆիլյանը հայտարարություն է տարածել, որում ասված է.
«Քաղաքացիական հասարակությու՛ն
Ակտիվ քաղաքացինե՛ր
Սասնա Ծռերից երեք հոգի՝ Արայիկ Խանդոյանը, Արմեն Բիլյանը եւ Սմբատ Բարսեղյանը նախորդ տարվա դեկտեմբերից հացադուլ են հայտարարել: Արմեն Բիլյանը եւ Սմբատ Բարսեղյանն արդեն մոտ են կյանքին սպառանցող վտանգի շեմին:
Մինչդեռ դուք լուռ եք՝ կարծես թե վերջ չունեցող «տոնական» կերուխումի եւ ծույլ հանգստի ընթացքին անձնատուր:
Ինչի՞ եք սպասում: Որ Հաց Բերողի ճակատագի՞րն ունենան եւ հետո ծափերով թաղե՞ք: Մինչդեռ Հաց Բերողի տանջամահությունը, նրա անձնազոհությունը պետք է ցասման վերածվեր:
Հիմա էլ նույն անտարբերությունն է …
Սա այն դեպքը չէ, որ հնարավոր չլինի համակարգին ճնշել եւ ստիպել, որ պարզունակ մի հարց լուծվի՝ տղաները տեղափոխվեն «Արմավիր» ՔԿՀ:
Միթե՞ հասել ենք գիտակցության մթագնման եւ արժանապատվության անկման մի վիճակի, որից այն կողմ կրավորական մահն է:
Տղաներն իրենց արարքով, իրենց գործով են ապացուցել, որ պատրաստ են իրենց կյանքը զոհաբերել հանուն սիրելի ժողովրդի, մինչդեռ դրա փոխարեն ի՞նչ են ստանում:
Հաց Բերողի, Արմեն Բիլյանի, Սմբատ Բարսեղյանի, Արայիկ Խանդոյանի տեսակը կորցնելով՝ Հայրենիք ենք կորցնում:
Սթափվելու եւ կրավորական թմբիրից դուրս գալու ժամանակն է»:
