Մասաչուսեթսի բնակիչը տեսագրել է «սառած» օվկիանոսը
ԱՄՆ-ի Մասաչուսեթսի նահանգի բնակիչ Ռայան Քենդին տեսագրել է վատ եղանակի պատճառով մասնակիորեն սառած օվկիանոսը:
«Ո՞վ է ցանկանում լողալ»,- հարցնում է տեսագրության հեղինակն ընկերներին: Նրա խոսքով՝ նկարահանման պահին օդի ջերմաստիճանն իջել է մինչեւ –20 աստիճան: Նահանգում ձմռանը ջերմաստիճանը միջին հաշվով ցած չի իջնում –8 աստիճանից: Քենդին առանձին հրապարակել է դրոնից նկարահանած տեսահոլովակը:
Օգտատերերը մեկնաբանություններում հիացմունքով են արձագանքել տեսածին: Տեսահոլովակը 300 հազարից ավելի դիտում է հավաքել ընդամենը մեկ օրում:
