ԱՄՆ-ի Disney World զվարճանքի զբոսայգում կանգնեցրել են Թրամփի խոսող մանեկենը. CNN
Disney ընկերությունն ԱՄՆ-ի Ֆլորիդայի նահանգում իր զվարճանքի թեմատիկ զբոսայգում կանգնեցրել է ԱՄՆ-ի նախագահ Դոնալդ Թրամփի խոսող մանեկենը:
Այս մասին հայտնել է CNN հեռուստաընկերությունը: Խոսքը վերաբերում է «Նախագահների սրահ» կոչվող ատրակցիոնին, որտեղ ներկայացված են Միացյալ Նահանգների պետության ղեկավարների պատկերաքանդակները:
Դրանցից մի քանիսը խոսող են: Հատուկ ատրակցիոնի համար նախագահը ձայնագրել է ճառ, որտեղ նա դատողություններ է անում ամերիկացի ժողովրդի ոգու թեմայով, ինչպես նաեւ խոսում է ԱՄՆ-ի Սահմանադրության մասին: Մանեկենի հագին սեւ կոստյում է՝ շերտավոր փողկապով: Բացի ճառ ասելու հնարավորությունից, այն օժտված է մարմնի տարբեր շարժումներ անելու ունակությամբ, հաղորդել է ՏԱՍՍ-ը:
The Hall of Presidents at the Magic Kingdom Park at Disney World in Florida is reopening today — featuring a new robot President Donald Trump https://t.co/FQ0IEXHCUa pic.twitter.com/6cMRr9uRT3
— CNN (@CNN) December 19, 2017
