Բրյուսովում ռեկտոր են ընտրում
Երևանի Վ. Բրյուսովի անվան պետական լեզվահասարակագիտական համալսարանում ժամը 11-ին մեկնարկել է գիտխորհրդի նիստը, որի ընթացքում հայտնի կդառնա համալսարանի նոր ռեկտորի անունը:
«Արմենպրես»-ի հետ զրույցում համալսարանի գիտքարտուղար Հասմիկ Փիլավջյանն ասաց, որ ռեկտորի թափուր պաշտոնի մրցույթին մասնակցելու համար «Երևանի Վ. Բրյուսովի անվան պետական լեզվահասարակագիտական համալսարան» հիմնադրամի Ռուսաց և օտար լեզուների և միջազգային հաղորդակցությունների ֆակուլտետի և Օտար լեզուների ֆակուլտետի խորհուրդներն առաջադրել են ԵՊԼՀ ռեկտորի ժամանակավոր պաշտոնակատար, ֆիզիկամաթեմատիկական գիտությունների թեկնածու Կարինե Վիլիկի Հարությունյանի թեկնածությունը: «Մեզ մոտ ռեկտորի ընտրությունները կայանում են հինգ տարին մեկ»,-ասաց Փիլավջյանը:
Ռեկտորի պաշտոնի համար այլ թեկնածուներ չեն դիմել:
Կարինե Վիլիկի Հարությունյանը 2010 թվականին ՀՀ կրթության եւ գիտության նախարարի տեղակալ էր, իսկ 2017 թ. հունիսի 23-ից՝ Վ. Բրյուսովի անվան ԵՊԼՀ ռեկտորի ժամանակավոր պաշտոնակատար:
