Google-ը և Facebook-ը հսկողություն կստանան թվային գովազդի համաշխարհային շուկայի 84 տոկոսի նկատմամբ
Google-ը եւ Facebook-ը կստանան այն միջոցների 84 տոկոսը, որոնք 2017 թվականին աշխարհում (առանց Չինաստանի հաշվառման) ծախսվել են թվային գովազդի վրա: Այդ մասին, ասված է WPP գովազգային կոնցեռնին պատկանող GroupM գործակալության հաշվետվության մեջ:
Գործակալության կանխատեսման համաձայն, 2018 թվականին գովազդի հետ կապված գլոբալ ծախսերի ծավալը կաճի 4,3 տոկոսով կամ 23 մլրդ դոլարով, ընդ որում՝ աճը գլխավորապես կապահովի հենց թվային սեգմենտը:
Սպասվում է, որ հեռուստագովազդի ծախսերը հաջորդ տարի կմեծանան 2,2 տոկոսով, թվային գովազդինը՝ 11,3 տոկոսով: Ընդ որում թվային մեդիաներում գովազդի ծախսերի ծավալը արդեն 2017 թվականին կգերազանցի հեռուստատեսային գովազդային հոլովակների ծախսերը 17 երկրներում, ներառյալ Մեծ Բրիտանիան եւ Գերմանիան, գրում է Financial Times-ը:
Մինչդեռ վերջին ժամանակներս ավելի ու ավելի շատ խոշոր ընկերություններ են դժգոհություն հայտնում թվային կոնտենտի անբավարար մոնիթորինգից, որի կողքին ցուցադրվում է իրենց գովազդը: Այսպես, Diageo-ն, Mars-ը, HP-ն, Deutsche Bank-ը եւ Mondelez-ը հրաժարվել են Google-ին պատկանող YouTube տեսածառայության հետ համագործակցել այն բանից հետո, երբ իրենց գովազդը ցուցադրվել է անվայել բովանդակությամբ տեսահոլովակների կողքին, հաղորդել է «Ինտերֆաքս»-ը:
