Իրանում «լռության օր» է հայտարարված նախագահական ընտրությունների նախօրյակին
Իրանում «լռության օր» է հայտարարված նախագահական ընտրությունների նախօրյակին: Ընտրարշավը, որը շարունակվում էր գրեթե մեկ ամիս, ավարտվել է մայիսի 18-ին տեղական ժամանակով ժամը 8:00-ին: Իրանի ՆԳ նախարարությանն առընթեր ընտրությունների անցկացման շտաբի հայտարարության համաձայն՝ այդ պահից արգելված է ցանկացած քարոզչություն, իսկ ԶԼՄ-ները եւ սոցիալական ցանցերը չպետք է հրապարակեն այնպիսի տեղեկատվություն, որը կարող է ազդել ընտրությունների արդյունքի վրա:
Այն բանից հետո, երբ նախագահական մրցարշավից դուրս եկան երկրի ղեկավարի պաշտոնի երկու հավակնորդներ, թեկնածուները մնացին ընդամենը չորսը՝ գործող նախագահ Հասան Ռոուհանին, այաթոլլա Իբրահիմ Ռայիսին, նախկին փոխնախագահ Մոստաֆա ՀաշեմիԹաբան եւ պահպանողականներից թեկնածու Մոստաֆա ԱղաՄիրսալիմը:
Իրանի նախագահական ընտրությունները նշանակված են մայիսի 19-ին: Երկրի նախագահը կդառնա այն թեկնածուն, որը կհավաքի ընտրողների ձայների 50 տոկոսից ավելին: Եթե դա թեկնածուներից ոչ մեկին չհաջողվի, ապա կկայանա ընտրությունների երկրորդ փուլը:
Սոցիոլոգիական հարցումների տվյալներով՝ նախագահական ընտրություններում պլանավորում է քվեարկել Իրանի քաղաքացիների երկու երրորդը, հաղորդել է ՌԻԱ Նովոստին:
