Մերկելը և Մակրոնը Բեռլինում հանդիպում կանցկացնեն մայիսի 15-ին
Գերմանիայի կանցլեր Անգելա Մերկելը Ֆրանսիայի նախագահ ընտրված Էմանուել Մակրոնին հրավիրել է Բեռլին այցելել մայիսի 15-ին: Այդ մասին Բեռլինում կայացած բրիֆինգում հայտարարել է ԳՖՀ-ի կառավարության պաշտոնական ներկայացուցիչ Շտեֆեն Զայբերտը:
«Հանդիպումը տեղի կունենա օրվա երկրորդ կեսին, հստակ ծրագիր առայժմ չկա, մենք դրա մասին կհայտնենք ժամանակին»,-ասել է նա: Ավելի վաղ Մակրոնը հայտարարել է, որ պետության ղեկավարի պաշտոնում իր առաջին այցն ինքը պլանավորում է կատարել Բեռլին:
Ինչպես սպասվում է ընտրություններում հաղթած «Հառաջ, հանրապետություն» շարժման առաջնորդի երդմնատվության արարողությունը տեղի կունենա մայիսի 14-ին:
Մերկելի եւ Մակրոնի նախորդ հանդիպումը նույնպես կայացել է Բեռլինում մարտի 16-ին, հաղորդել է ՏԱՍՍ-ը:
