Իրանի ԱԳ նախարարությունը Ֆրանսիայի ժողովրդին շնորհավորել է Մակրոնի հաղթանակի առթիվ
Իրանի ԱԳ նախարարության պաշտոնական ներկայացուցիչ Բահրամ Քասեմին ողջունել է Ֆրանսիայի նախագահական ընտրություններում «Հառաջ» շարժման հիմնադիր Էմանուել Մակրոնի տարած հաղթանակը եւ Ֆրանսիայի ժողովրդին ու կառավարությանը շնորհավորել է այդ իրադարձության առթիվ: Այդ մասին հայտնել է ISNA իրանական գործակալությունը:
«Հուսով եմ՝ Իրանի եւ Ֆրանսիայի հարաբերություններն ընտրություններից հետո կթեւակոխեն նոր դարաշրջան, այն պետք է հիմնված լինի վերջին տարիներին ստեղծված բազայի վրա եւ համապատասխանի երկու երկրների հնարավորություններին»,-ասել է Քասեմին:
«Երկկողմ հարաբերությունների զարգացումը պետք է խարսխվի Իրանի եւ Ֆրանսիայի ժողովուրդների շահերի վրա»,-հավելել է նա, հաղորդել է ՌԻԱ Նովոստին:
