Հրաձգություն Տեխասի առևտրի կենտրոնում, կա զոհ
Տեխասի Սան Անտոնիո քաղաքի առևտրային կենտրոններից մեկում հրաձգության հետևանքով զոհվել է նվազագույնը 1 մարդ, ևս 5-ը վիրավորվել է, հայտնում է The Associated Press-ը՝ վկայակոչելով տեղի ոստիկանությանը։
Հաղորդվում է, որ երկու գող ներխուժել է առևտրի կենտրոն՝ գողության նպատակով՝ գնդակահարելով 1 մարդու, որը փորձել է նրանց կանգնեցնել։
Մեկ այլ տղամարդ, որը ունեցել է զենքի կրման թույլտվություն, կրակ է բացել հարձակվողների ուղղությամբ և վիրավորել նրանցից մեկին։
Երկրորդ կասկածյալը փորձել է հեռանալ՝ վիրավորելով ևս մեկ տղամարդու և կնոջ։
Ոստիկանությունը որոնում է երկրորդ կասկածյալին, որը, ինչպես ենթադրվում է, հասցրել է լքել առևտրի կենտրոնը։
