ԱՄՆ-ում քաղաքագլուխը աղջկա է փրկել այրվող շենքից
ԱՄՆ-ի Նյու Ջերսիի նահանգի Փոլսբորո ոչ մեծ քաղաքի ղեկավարը աղջկա է փրկել այրվող բնակելի շենքից: Այս մասին հայտնել է NBC հեռուստաալիքը:
Շուրջ 6 հազար բնակիչ ունեցող Փոլսբորոյի քաղաքապետ Հերի Սթիվենսոնը ոտքով տուն էր վերադառնում հուղարկավորման արարողությունից, երբ նկատել է ծխապատ բնակելի տունը: Չսպասելով փրկարարների ժամանելուն՝ Սթիվենսոնը, որն անցյալում որպես հրշեջ է աշխատել, մտել է այրվող շենք: Այնտեղ հայտնաբերելով քնած աղջկան, նա նրան արթնացրել Է եւ օգնել դուրս պրծնել:
Արտակարգ պատահարի վայր ժամանած հրշեջները տանն այլ բնակիչների չեն հայտնաբերել: Արտակարգ պատահարի հետեւանքով ոչ ոք չի տուժել:
«Ես բնավ ինձ հերոս չեմ համարում: Ես քաղաքապետի պաշտոնն զբաղեցնող սովորական քաղաքացի եմ»,- ասել է Սթիվենսոնը, հաղորդել է ՏԱՍՍ-ը:
