Հունաստանում կալանավորվել է հետախուզվող կին ահաբեկիչներից Փոլա Ռուպան
Հունաստանում կալանավորել են ամենահետախուզվող ահաբեկիչներից մեկին՝ 48-ամյա Փոլա Ռուպային, հայտնում է Աթենքի նորությունների գործակալությունը։
Նշվում է, որ 48-ամյա Ռուպան դիմադրություն չի ցուցաբերել ոստիկանությանը, սակայն խնդրել է պաշտպանել երեխային, որը եղել է հետը ձերբակալության պահին։ Կալանավորվել է նաև նրանց թաքցնող կինը։
Փոլա Ռուպան հույն ահաբեկիչ Նիկոս Մազիոտիսի կինն է, որը կալանավորվել էր 2014թ.։ Ռուպան դատապարտվել էր Աթենքում 2007թ. ԱՄՆ դեսպանության շենքի ուղղությամբ կրակ բացելու մեղադրանքով։
