Բեռլինում սուրբծննդյան տոնավաճառի վրա հարձակման գործով կասկածյալ է ձերբակալվել
Բեռլինի ոստիկանությունը ձերբակալել է թունիսցի 26-ամյա մի բնակչի, որը կասկածվում է դեկտեմբերի 19-ին սուրբծննդյան տոնավաճառի վրա հարձակմանն առնչություն ունենալու մեջ, հայտնում է BBC-ի ռուսական ծառայությունը։
Գերմանիայի դատախազության ներկայացուցչի խոսքով՝ ձերբակալվածը ծանոթ է եղել հարձակման անմիջական կատարող և հիմնական կասկածյալ Անիս Ամրիի հետ և նախօրեին միասին ընթրել էին Բեռլինի ռեստորաններից մեկում։
Հաղորդվում է, որ ձերբակալվածի տանը խուզարկություն է իրականացվել։ Նրա անունը գերմանական իշխանությունները չեն հրապարակում։ Հիշեցնենք, որ սուրբծննդյան տոնավաճառի հարձակման հետևանքով 12 մարդ սպանվել էր, ևս 49-ը՝ վիրավորվել։
