Դիտարկվում Է ՀԱՊԿ-ի գլխավոր քարտուղարի պաշտոնի մի քանի թեկնածություն
Դիտարկվում է Հավաքական անվտանգության պայմանագրի կազմակերպության գլխավոր քարտուղարի պաշտոնի մի քանի թեկնածություն, բայց առայժմ որոշում չի ընդունվել: Այս մասին հայտնել է Ռուսաստանի նախագահի մամուլի քարտուղար Դմիտրի Պեսկովը:
«Շարունակվում է այդ հարցի քննարկումը, կան տարբեր թեկնածություններ, ՀԱՊԿ-ի երկրների նախագահները քննարկելու են դրանք»,- ասել է նա:
Դեկտեմբերի 26-ին Սանկտ Պետերբուրգում տեղի է ունենալու ՀԱՊԿ-ի գագաթնաժողովը: 2003 թվականից ՀԱՊԿ-ի գլխավոր քարտուղարի պաշտոնն զբաղեցնում է Նիկոլայ Բորդյուժան, հաղորդել է ՏԱՍՍ-ը:
