«Մենք սա չափազանց կարևորում ենք». Կարեն Կարապետյան
Կառավարությունն այսօրվա նիստում որոշում ընդունեց «Ռազմավարական նախաձեռնությունների կենտրոն» հիմնադրամ ստեղծելու և գործադիր տնօրեն նշանակելու մասին:
ՀՀ կառավարության աշխատակազմի ղեկավար նախարար Դավիթ Հարությունյանը ներկայացրեց, որ հիմնադրամի գործադիր տնօրեն է նշանակվելու Ալեքսանդր Խաչատուրյանը: Հիմնադրամի նպատակներն են` ՀՀ կառավարությանն աջակցության ցուցաբերումը՝ երկարաժամկետ ռազմավարական տեսլականի մշակման հարցում, պետական կառավարման ոլորտում գոյություն ունեցող ռազմավարությունների և հայեցակարգերի հավաքագրումը և ամփոփումը, ՀՀ երկարաժամկետ ռազմավարական ծրագրերի՝ ներառյալ դրանց նպատակների և ակնկալվող արդյունքների հստակ հավաքակազմի մշակումը, և այլն:
Դ.Հարությունյանը նշեց, որ ի պաշտոնե Հիմնադրամի Հոգաբարձուների խորհրդի անդամ են հանդիսանում ՀՀ վարչապետը, տնտեսական զարգացման և ներդրումների նախարարը և ֆինանսների նախարարը, հոգաբարձուների Խորհրդի մյուս անդամներից 2-ը նշանակվում են ՀՀ պետական կառավարման ոլորտի ներկայացուցիչներից՝ ՀՀ վարչապետի կողմից՝ Գործադիր տնօրենի առաջադրմամբ, 6-ը՝ մասնավոր հատվածից:
«Մենք սա չափազանց կարևորում ենք, դա այն հարթակն է, որտեղ ձևավորվելու են մեր տեսլականները, մեր հորիզոնները, ոնց ենք մենք պատկերացնում նեդրրումների ներգրավման և այլ հարցեր»,- ասաց վարչապետ Կարեն Կարապետյանը:
