«Ռուսաստանի և ԱՄՆ-ի համագործակցությունը շարունակվում է». Պետդեպ
ԱՄՆ Պետդեպի ներկայացուցիչ Ջոն Քիրբին հայտարարել է, որ ԱՄՆ վարչակազմը չի հրաժարվում Ռուսաստանի հետ դիվանագիտական փոխգործակցությունից, չնայած կողմերի միջև մի շարք հարցերում առկա տարաձայնություններին։
Այսպես են Պետդեպում արձագանքել ՌԴ նախագահի մամուլի քարտուղար Դմիտրի Պեսկովի՝ ռուս-ամերիկյան հարաբերությունների ներկայիս վիճակի մասին հայտարարությանը։
«Դժվար է հասկանալ, թե ինչ նկատի ունեն այդ մեկնաբանություններն անելով, սակայն Ռուսաստանի հետ դիվանագիտական փոխգործակցությունը խնդիրների լայն շրջանակի վերաբերյալ շարունակվում է»,- ասվում է հայտարարության մեջ։
«Այն փաստը, որ մենք Մոսկվայի հետ ունենք զգալի տարաձայնություններ որոշ հարցերի վերաբերյալ, բոլորին քաջ հայտնի է, սակայն երկխոսությունը չի դադարել»,- ընդգծել է Քիրբին։
Ավելի վաղ Պեսկովը հայտարարել էր լրագրողներին, թե Կրեմլը ափսոսում է այն անվստահության աստիճանի համար, որն առկա է ՌԴ-ի և ԱՄՆ-ի հարաբերություններում։
