ՄԱԿ-ն ահաբեկչության դեմ պայքարի նոր բանաձև է ընդունել
ՄԱԿ-ի Անվտանգության խորհուրդը հավանության է արժանացրել ահաբեկչության դեմ պայքարի ոլորտում համագործակցության միջազգային-իրավական հարցերով բանաձևը։
Նոր բանաձևը կոչ է անում պետություններին տեղեկատվություն փոխանակել օտարերկրացի ահաբեկիչ-զինյալների և ահաբեկչական կազմակերպությունների մասին, այդ թվում՝ կենսաչափական տվյալներ, հայտնում է ՄԱԿ-ի մամուլի կենտրոնը։
«ՄԱԿ-ի ԱԽ-ն կոչ է անում պետություններին դիտարկել, որտեղ հնարավոր է, հետախուզական տվյալների գաղտնիության աստիճանի նվազեցման հնարավորությունը ծառայողական օգտագործման համար այն սպառնալիքի մասին, որը ներկայացնում են օտարերկրացի ահաբեկիչ-զինյալները»,- ասվում է բանաձևում։
Բացի այդ՝ նոր բանաձևի կետերից մեկը կոչ է պարունակում՝ ուղղված բոլոր պետություններին, որ հասնեն այն բանին, որ ահաբեկչությունների կատարողներն ու կազմակերպիչները չչարաշահեն փախստականի կարգավիճակը։
