Թուրքիայում ձերբակալվել է ընդդիմության առաջնորդի գլխավոր խորհրդականը
Թուրքիայում ձերբակալվել է Թուրքիայի գլխավոր ընդդիմադիր «Ժողովրդա-հանրապետական» կուսակցության (ԺՀԿ) առաջնորդ Քեմալ Քըլըչդարօղլուի գլխավոր խորհրդական Ֆաթիհ Գյուրսուլը։
Թուրքական Hurriyet թերթի հաղորդմամբ՝ վերջինս ձերբակալվել է Ստամբուլի գլխավոր դատախազության կարգադրությամբ։
Նրա տանը խուզարկություն է անցկացվել։
Գյուրսուլը մեղադրվում է Թուրքիայում հուլիսյան ռազմական հեղաշրջման փորձին առնչություն ունենալու մեջ։
Հաղորդվում է, որ Քըլըչդարօղլուի գլխավոր խորհրդականը եղել է ByLock ծրագրի օգտատեր։ Ծրագիրն օգտագործվել է գյուլենականների կողմնակիցների կողմից թվային հաղորդագրությունների փոխանակման համար:
