Քլիթոնը պատրաստում է ելույթի երկու տարբերակ` հաղթանակի և պարտության
Դեմոկրատական կուսակցությունից ԱՄՆ նախագահի թեկնածու Հիլարի Քլինթոնը պատրաստում է ելույթի երկու տեքստ` հաղթանակի և պարտության: Այդ մասին հաղորդել է Fox News հեռուստաընկերությունը` վկայակոչելով Քլինթոնի շտաբի ներկայացուցչին:
Հեռուստաընկերության տեղեկացմամբ՝ դեմոկրատ թեկնածուի շտաբում հաստատել են, որ Քլինթոնի ելույթի համար առկա է ինչպես հաղթանակի, այնպես էլ պարտության տեքստ:
Համաձայն Fox News-ի վերջին հարցման` Քլիթոնն ընտրություններին Թրամփին գերազանցում է ձայների 4 տոկոսով: Քլինթոնին պատրաստ են աջակցել հարցվածների 48 տոկոսը, այն դեպքում, երբ Թրամփի օգտին պատրաստ է քվեարկել 44 տոկոսը
