Ռուսաստանի եւ Իրանի արտգործնախարարները հեռախոսազրույց են ունեցել Սիրիայի ճգնաժամի վերաբերյալ
Ռուսաստանի եւ Իրանի արտգործնախարարներ Սերգեյ Լավրովը եւ Մոհամադ Ջավադ Զարիֆը քննարկել են Սիրիայում տիրող իրավիճակը:
Ինչպես տեղեկացնում է «ՌԻԱ Նովոստի»-ն, նրանք, մասնավորապես, զրուցել են ճգնաժամի կարգավորման համար պայմանների ստեղծմանն ուղղված միջազգային քայլերի մասին:
Ավելի վաղ CNN-ի հետ զրույցում ՌԴ արտգործնախարար Սերգեյ Լավրովը տեղեկացրել էր, որ Ռուսաստանի, ԱՄՆ-ի, Սաուդյան Արաբիայի, Թուրքիայի եւ այլ տարածաշրջանային պետությունների մասնակցությամբ Լոզանում հոկտեմբերի 15-ին կկայանա Սիրիայի վերաբերյալ հանդիպում:
