«ԱՄՆ-ն ճանաչում է Ադրբեջանի հանրաքվեի արդյունքները». ԱՄՆ Պետդեպ
ԱՄՆ-ն ընդունում է Ադրբեջանի հանրաքվեի արդյունքները և մտադիր չէ միջամտել հանրապետության ղեկավարի լիազորությունների ժամկետի մասին հարցին։ Այս մասին հայտարարել է ԱՄՆ Պետդեպարտամենտի պաշտոնական ներկայացուցիչ Մարկ Թոները։
«Մենք չէ, որ պետք է թելադրենք, թե այդ ժողովրդավարական գործընթացի ինչ արդյունքներ կարող են լինել կամ չլինել, բացառությամբ նրան, որ այնտեղ, որտեղ կա խախտում, դրանք պետք է հետաքննվեն, իսկ որտեղ լինում են խոչընդոտներ այդ գործընթացում, պետք է ուսումնասիրվեն և բարելավվեն … Մենք չենք կարող թելադրել լիազորությունների ժամկետի սահմանափակում»,- հայտարարել է Թոները ճեպարզրույցի ժամանակ։
Այդկերպ նա պատասխանել է հարցին, թե արդյոք ԱՄՆ-ը հանրաքվեում ընդունված նորմերը համարում է ժողովրդավարական։
Գերատեսչության ներկայացուցիչը հավելել է, որ ԱՄՆ-ը հետագայում ևս մտադիր է աշխատել Ադրբեջանի հետ՝ «բարելավելու ժողովրդավարական ինստիտուտների աշխատանքը»։
