Նոտարների գործը քչացել է
2015թ. նոտարական համակարգում վավերացվել է 492 760 գործ, գանձված պետական տուրքը կազմել է 519.9 մլն. դրամ: Մեկ գործարքի հաշվով գանձված պետական տուրքը կազմել է 1.05 հազ. դրամ:
Նախորդ տարի՝ 2014 թվականին, վավերացվել էր 503 891 գործ, իսկ գանձված պետական տուրքը կազմել էր 530.4 մլն դրամ։ Այսինքն, նվազել է թե՛ վավերացված գործերի քանակը, թե՛ գանձված պետտուրքքը։
Միևնույն ժամանակ, մեկ գործարքի հաշվով գանձված պետական տուրքի չափը փոփոխություն չի կրել՝ 1.05 հազ. դրամ։
Ըստ տեսակների՝ ամենաշատը եղել են փաստաթղթերի վրա եղած ստորագրությունների իսկության վավերացման գործերը՝ 184 147 գործ։
Հաջորդ տեղում փաստաթղթերի թարգմանության իսկության վավերացումն է՝ 102 957 գործ։ Լիազորագրերի վավերացման գործերի քանակը կազմել է 67 704 , անշարժ գույքի օտարման պայմանագրերի վավերացումները՝ 31 353։
