Օբամեյանգը «Բորուսիայի» ղեկավարությանը հայտնել է «Ռեալ» տեղափոխվելու ցանկության մասին
Ինչպես հաղորդում է Marca-ն, Դորտմունդի «Բորուսիայի» հարձակվող Պիեր-Էմերիկ Օբամեյանգը մտադիր է հեռանալ դորտմունդյան ակումբից:
27-ամյա ֆուտբոլիստը տեղեկացրել է «Բորուսիայի» ղեկավարությանը, որ ցանկանում է շարունակել կարիերան «Ռեալում»: Ընդ որում, մադրիդյան ակումբն ինքը Ալվարո Մորատայի տրանսֆերից հետո դադարել է հավակնել Օբամեյանգին, սակայն հաշվի առնելով ֆուտբոլիստի ցանկությունը՝ կարող է փորձել ձեռք բերել նրան:
Ակումբների միջև բանակցությունները դեռ հեռու չեն գնացել: Սակայն իրավիճակի վրա կարող են ազդել լավ հարաբերությունները, որոնք ստեղծվել են «Ռեալի» ղեկավարության և «Բորուսիայի» նախագահ Ռայնհարդ Ռաուբոլի և մարզական տնօրեն Միխայել Ցորկի միջև:
Պատրաստեց Անի Գաբուզյանը
