«Լեսթերի» կիսապաշտպան Ռիհադ Մահրեզը 50 մլն եվրոյով կտեղափոխվի «Արսենալ»
Ալժիրցին, այնուամենայնիվ, կհեռանա Անգլիայի չեմպիոնների թիմից:
Ակումբների միջև բանակցությունները գտնվում են առաջխաղացման փուլում: Տրանսֆերը պետք է կայանա, չնայած Կլաուդիո Ռանիերիի՝ թիմի առաջատարին չկորցնելու ցանկությանը: Ինչպես հաղորդում է Eurosport-Ֆրանսիան, գործարքի արժեքը կկազմի 50 մլն եվրո:
Ավելի վաղ «աղվեսների» մարզիչը խոստացել էր, որ կպահպանի ալժիրցուն Անգլիայի չեմպիոնների կազմում:
«Վստահ եմ, որ Մահրեզը կմնա մեզ հետ»,- հայտարարել էր Ռանիերին:
Նախորդ մրցաշրջանում Մահրեզը անցկացրած 39 պաշտոնական խաղերում դարձել է 18 գոլի և 11 փոխանցման հեղինակ:
Ալժիրցին ճանաչվեց PFA-ի վարկածով ԱՊԼ լավագույն ֆուտբոլիստ:
Պատրաստեց Անի Գաբուզյանը
