«Ինձ հետաքրքրում է ոչ թե «Ոսկե գնդակը» Գրիզմանի համար, այլ այն, որ Անտուանը հաղթի Եվրոպայի առաջնությունը». Դիդիե Դեշամ
Ֆրանսիայի լրագրողները պատրաստ են թագադրել «Ատլետիկոյի» հարձակվողին:
«Դա սկսվում է Ձեզանից՝ լրագրողներից: Դուք արդեն այլ մոլորակի վրա եք: Իսկ ինձ հետաքրքիր է այն, որ Անտուանը և նրա խաղընկերները աշխատեն դառնալ Եվրոպայի չեմպիոն: Նույն բանի մասին է մտածում նաև Ռոնալդուն և Պորտուգալիայի հավաքականը:
Արդեն երկար ժամանակ է Ձեր հանրահայտ «Ոսկե գնդակը» խաղարկվում է Կրիշտիանուի և Մեսսիի միջև: Բայց եթե Գրիզմանին հաջողվի դառնալ թեկնածուներից մեկը, ավելի լավ»,- Դեշամի խոսքերն է մեջբերում L’Equipe-ը:
Անտուան Գրիզմանը Եվրո-2016-ում դարձել է 6 գոլի հեղինակ: Եզրափակչում նրա թիմը կհանդիպի Պորտուգալիայի հավաքականի հետ:
Պատրաստեց Անի Գաբուզյանը
