9 մլն դրամ՝ «Զարգացման հայկական գործակալության» լուծարման և պարտավորությունները մարելու համար
«Զարգացման հայկական գործակալություն» ՓԲԸ լուծարման գործընթացը կանոնակարգելու և պարտավորությունները մարելու նպատակով կառավարության պահուստային ֆոնդից ՀՀ կառավարության աշխատակազմին կհատկացվի 9.195.300 ՀՀ դրամ: Որոշումն ընդունվել է կառավարության այսօրվա նիստում։
Կառավարությունն այսօր ի գիտություն է ընդունել ՀՀ կառավարության աշխատակազմի ղեկավար-նախարար Դավիթ Հարությունյանի զեկուցումը ՀՀ կառավարության 2016թ. հունվարի 14-ի «ՀՀ կառավարության 2016թ. գործունեության միջոցառումների ծրագիրը և գերակա խնդիրները հաստատելու մասին» համապատասխան որոշման հանձնարարականների կատարման մասին տեղեկանքը:
Տեղեկանքի համաձայն՝ այդ որոշման կատարման ենթակա թվով 46 կետից 2016թ. հուլիսի 1-ի դրությամբ կատարվել են 46-ը կամ 100 տոկոսը:
