Ռուս զինծառայողները Հայաստանի լեռներում փորձարկում են ռադիոէլեկտրոնային պայքարի արդի միջոցները
Հայաստանի ռուսական ռազմակայանում «Ինֆաունա» արդի համալիրի ուսումնասիրման պարապմունքներ են սկսվել ռադիոէլեկտռրոնային պայքարի ստորաբաժանում նոր ժամանած զինծառայողների հետ:
ՌԴ Հարավային ռազմական օկրուգի մամուլի ծառայությունից տեղեկացնում են, որ պարապմունքներն անցկացվում են «Կամխուտ» բարձրլեռնային զորավարժարանում՝ միավորման ռադիոէլեկտրոնային պայքարի ծառայության պետ փոխգնդապետ Իգոր Պոպովի ղեկավարությամբ: Պարապմունքների ընթացքում զինծառայողները կուսումնասիրեն «Ինֆաունա» ռադիոէլեկտրոնային պայքարի արդի համալիրների մարտավարական-տեխնիկական, հատուկ եւ ընթացային բնութագրերը:
«Ինֆաունա» համալիրների գործարկուները պարապմունքների ժամանակ «Նավոդչիկ» եւ «Օռլան» անօդաչու թռչող ապարատների համալիրների կիրառմամբ կսովորեն իրականացնել անօդաչուների որոնում եւ կալանում:
