Լավրովն ու Քերին կքննարկեն Սիրիայի, Ուկրաինայի և Լեռնային Ղարաբաղի վիճակը
Ռուսաստանի արտգործնախարար Սերգեյ Լավրովն ու ԱՄՆ պետքարտուղար Ջոն Քերին այսօր Վիեննայում կայանալիք հանդիպմանը կքննարկեն Սիրիայում, Ուկրաինայում և Լեռնային Ղարաբաղում ստեղծված իրավիճակը: Այս մասին, ինչպես հայտնում է RIA Novosti-ն, հայտարարել է ՌԴ ԱԳ փոխնախարար Սերգեյ Ռյաբկովը:
«Այսօր գլխավորը Սիրիան և Լեռնային Ղարաբաղն են, ինչպես նաև Ուկրաինան ու երկկողմ հարաբերությունները»,- ասել է Ռյաբկովը՝ պատասխանելով համապատասխան հարցին:
Ավելի վաղ Սերգեյ Լավրովը հայտարարել էր, որ մտադիր է այսօր հանդիպել Ջոն Քերիի հետ:
