ԼՂՀ առողջապահության նախարարը համապատասխան ցուցումներ է տվել
ԼՂՀ առողջապահության նախարար Կարինե Աթայանն աշխատակազմի ղեկավար Արմեն Առաքելյանի հետ այցելել է «Ստեփանակերտի շտապ բժշկական օգնության կայան» ՓԲԸ:
ԼՂՀ ԱՆ մամլո ծառայության փոխանցմամբ՝ նախարարը ծանոթացել է բուժհիմնարկում տիրող իրավիճակին:
Այցելության ընթացքում քննարկվել են ավտոտրանսպորտային պարկի համալրման, շենքային պայմանների բարելավման, ինչպես նաև կադրային քաղաքականության հետ կապված հարցեր:
Նախարար Աթայանը բարձր գնահատելով Ստեփանակերտի շտապ բժշկական օգնության կայանի աշխատողների ծանր աշխատանքը` վերջին թեժ օրերին համագործակցությունը պաշտպանության բանակի հետ, իր երախտիքի խոսքն է ուղղել մասնագետներին և պարտավորեցրել շարունակել աշխատանքները առավել բարձր ոգով:
Այնուհետև նախարարն այցելել է առողջապահության նախարարության բժշկական պահեստ, տեղում ծանոթացել առկա գույքի, բժշկական պարագաների և դեղորայքի պաշարներին, տվել համապատասխան ցուցումներ վերջիններս նպատակային օգտագործելու ուղղությամբ:
