Զոհված փոխգնդապետ Ալեքսան Առաքելյանի ընտանիքին բնակարան են նվիրել
«Քառօրյա պատերազմում հերոսաբար ընկած գյումրեցի Ալեքսան Առաքելյանի ընտանիքը այսօրվանից նոր բնակարան ունի…: Ինչպես տեղեկացրել էին SOS Գյումրի ծրագրի համակարգողները, ծրագրի շրջանակներում ԱԺ պատգամավոր Արման Սահակյանը պատրաստակամություն էր հայտնել նվիրել մեկ բնակարան, հաշվի առնելով վերջին զարգացումները SOS գյումրի խումբը եւ ԱԺ պատգամավոր Արման Սահակյանը համատեղ որոշում են կայացրել բնակարանը նվիրել Ալեքսան Առաքելյանի ընտանիքին, հիմա Ալեքսանի ընտանիքը ժամանակավոր բնակվում է Ալեքսանի հայրական տանը որտեղ բնակվում են 10 անձ: Համապատասխան փաստաթղթային ձեւակերպումներից հետո ընտանիքը կարող է տեղափոխվել նոր բնակարան»,- աս մասին ֆեյսբուքյան իր էջում գրել է ՀՀ ՊՆ խոսնակ Արծրուն Հովհաննիսյանը::
