Սերժ Սարգսյանը և Բակո Սահակյանը խորհրդակցություն են անցկացրել

Արցախի Հանրապետության Նախագահ Բակո Սահակյանը Հայաստանի Հանրապետության Նախագահ Սերժ Սարգսյանի հետ միասին ապրիլի 19-ին անց են կացրել խորհրդակցություն ԼՂՀ օրենսդիր, գործադիր եւ դատական իշխանության մարմինների ներկայացուցիչների հետ։

Քննարկվել են վերջին օրերին Ադրբեջանի ագրեսիայի հետեւանքով մեր հանրապետությունում ստեղծված իրավիճակին վերաբերող հարցեր։ Նախագահ Սահակյանը բարձր է գնահատել այս ծանր օրերին Մայր Հայաստանի եւ Սփյուռքի աջակցությունն Արցախին եւ համայն հայության համախմբումն ու միասնականությունը՝ այն համարելով մեր բոլոր հաղթանակների հիմնական գրավականներից մեկը։