«Ցանկանում եմ աշխատել բարդ առաջնությունում». Ժոզե Մոուրինիո
«Չելսիի» նախկին գլխավոր մարզիչ Ժոզե Մոուրինիոն ասել է, որ պլանավորում է ամռանը վերադառնալ աշխատանքի:
«Կարող եմ պրակտիկորեն ամբողջովին երաշխավորել, որ ամռանը կվերադառնամ աշխատանքի: Ես լավ առաջարկություններ ունեմ:
Մնում է մտածել, ճիշտ որոշում կայացնել և ընտրել: Ամռանը, մրցաշրջանի ավարտից հետո, բոլորը կիմանան, թե որտեղ ես պետք է աշխատեմ: Կարող եմ հաստատ ասել. ես չեմ գլխավորի «Էշտորիլը» կամ «Պասուշը», որովհետև նրանք գերազանց մրցաշրջան են անցկացնում և չեն փոխի մարզչին:
Ես ուզում եմ հայտնվել այնտեղ, որտեղ իմ գաղափարներն իսկապես պետք են, որտեղ իսկապես պետք եմ ես: Ես ցանկանում եմ աշխատել պատասխանատվություն ունեցող ակումբում, բարդ առաջնությունում, ոտեղ իմ առջև կանգնած կլինեն ծանր նպատակներ: Ես շատ տարբերակներ չունեմ»,- ասել է Մոուրինիոն:
Ավելի վաղ հաղորդվել էր, որ մարզչի նկատմամբ հետաքրքրություն են ցուցաբերում «Մանչեսթեր Յունայթեդը», «Ինտերը» և «Ռեալը»:
Պատրաստեց Անի Գաբուզյանը
