Պեսկովի դուստրը Փարիզում վաճառողուհի է աշխատում
ՌԴ նախագահ Վլադիմիր Պուտինի մամուլի քարտուղար Դմիտրի Պեսկովի 17-ամյա դուստրը վաճառող-խորհրդատու է աշխատում Փարիզի հայտնի բրենդային խանութներից մեկում: Այս մասին աղջիկը գրել է իր Instagram-ում:
«Ամեն հանգստյան օր ես վաճառող-խորհրդատու եմ աշխատում Փարիզի հայտնի բրենդային խանութում: Հաճախորդները, որպես օրենք, ապահովված մարդիկ են, տարբեր ազգությունների: Գալիս են և´ ռուսներ, և´ ուկրաինացիներ, և´ չինացիներ»,- պատմել է Ելիզավետա Պեսկովան:
Նշենք, որ աղջիկը 8 տարեկանից ապրում է Փարիզում մոր՝ Դմիտրի Պեսկովի նախկին կնոջ հետ:
Ավելի վաղ Gazeta.ru-ի հետ զրույցում աղջիկը խոստովանել էր, որ Ռուսաստանում հիանալի է ապրելը, եթե ապրում ես ապահովված ընտանիքում, իսկ Եվրոպան ավելի հարմար է հասարակ մարդկանց համար:
«Ինձ շատ է դուր գալիս իմ եվրոպացի հասակակիցների մենթալիտետը, կյանքի նկատմամբ նրանց վերաբերմունքը: Ես ինձ լավ եմ զգում եվրոպական միջավայրում, սակայն եթե ես գնում եմ, չի նշանակում, թե չեմ սիրում Ռուսաստանը»,-ասել էր Ելիզավետան:
